Novas
 
O CONCELLO HABILITA O SEGUNDO CIRCUÍTO DE CALISTENIA DA CIDADE NO PARQUE DE FREIXEIRO
A alcaldesa, Marián Ferreiro, e o edil de Servizos, Ibán Santalla, desprazáronse á zona con motivo da apertura das instalacións para uso público
Narón, 15 de xuño de 2022. A alcaldesa, Marián Ferreiro, e o edil de Servizos, Ibán Santalla, desprazáronse na tarde de onte ao parque de Freixeiro con motivo da apertura ao público do novo circuíto de calistenia da cidade, o segundo tralo construído no paseo da Gándara. Ferreiro recordou que se trata dun investimento que ronda os 22.000 euros “con cargo ao que se pon á disposición das veciñas e veciños un espazo no que practicar este método de adestramento físico no que se traballa co peso do corpo”.
O novo circuíto dispón de barras paralelas, escaleira horizontal, aneis, corda… e outros equipamentos “que se dirixen a un tipo de usuarias e usuarios moi específicos e para os que tamén queremos dende o goberno local habilitar eses espazos que precisan para eses adestramentos”.
Ferreiro avanzou que xa está reservado un investimento similar para construír o que será o terceiro circuíto de calistenia da cidade, que se ubicará no paseo marítimo de Xuvia, sumándose así a outros equipamentos deportivos localizados na zona como o parque biosaudable, a pista multideporte ou o Circuíto Vita. “No pleno do pasado mes de maio aprobamos unha habilitación de crédito na que se inclúe unha partida específica para o circuíto de calistenia de Xuvia, que será unha realidade moi axiña”, asegurou a alcaldesa.
A rexedora local destacou “o esforzo inversor que nos últimos anos realiza o goberno local para mellorar e incrementar os equipamentos deportivos na cidade, tratando de ofrecer instalacións axeitadas para as diferentes modalidades deportivas nas zonas, como neste caso, donde se prevé unha maior concurrencia de posibles usuarias e usuarios”.



Últimas noticias
A ALCALDESA E O PRESIDENTE DA FEBD DESTACARON O COMPROMISO DE NARÓN CO BAILE DEPORTIVO
UN CENTENAR DE PERSOAS PARTICIPARON HOXE NA ANDAINA DO PROGRAMA "PONTE EN RUTA CON NÓS" POLA RUTA DOS MUÍÑOS
A ALCALDESA VALOROU OS POSTOS ACADADOS POLOS DEPORTISTAS LOCAIS NO CAMPIONATO DE ESPAÑA DE LATINOS CELEBRADO NO PAVILLÓN DA GÁNDARA
ÚLTIMAS PRAZAS PARA AS SESIÓNS DE IOGA NOS PARQUES DE FREIXEIRO E XUVIA OS MESES DE XULLO E AGOSTO
O CONCELLO E O CLUB DE REMO NARÓN PRESENTARON A TRAIÑEIRA DA ENTIDADE DEPORTIVA NA PRAZA DE GALICIA

Destacados

Outras webs municipais

   
 
Concello de Narón - Aviso legal