Novas
 
PRESENTADA NO CONCELLO A II BANDEIRA DE TRAIÑEIRAS ´CIDADE DE NARÓN´, EVENTO DEPORTIVO ENMARCADO NA LIGA GALEGA DE TRAIÑEIRAS
A regata terá lugar na enseada da Gándara o día 1 de agosto ás 17.00 horas
Narón, 29 de xullo de 2020. O edil de Deportes, José Oreona Bra, o presidente do Club de Remo Narón, Martin Martínez Pérez, e o secretario do club, Borja Díaz Díaz, presentaron esta mañá no Concello a II Bandeira de Traiñeiras `Cidade de Narón´.
Na cita deportiva competirán 6 equipos de traiñeiras da Liga B: o equipo da traiñeira do Club de Remo de Narón, como anfitrións, e as de Chapela, Castropol, Perille, Cesantes e Puebla. A regata está prevista que dé comezo ás 17.00 horas do día 1 de agosto na enseada da Gándara e ten unha especial relevancia pola calidade de todos os equipos participantes que rivalizan deportivamente na consecución dos primeiros postos no pódium e polo grande interese que suscita a participación do equipo do Club de Remo naronés neste que é o seu primeiro ano nesta Liga Galega de Traiñeiras e que amosan unha grande ilusión por un proxecto deportivo que estiman xa a longo prazo.
Os representantes do Club de Remo Narón agradeceron o compromiso do Concello e o apoio recibido para poder organizar esta regata, imprescindible para participar na Liga Galega, posibilitando a realización desta actividade deportiva na que están a traballar con esforzo e moita ilusión.
O concelleiro de Deportes, José Oreona, expresou a satisfacción do Concello pola implicación de todo o equipo, deportistas, técnicos e directiva do Club de Remo Narón promovendo o deporte e hábitos saudables entre a cidadanía, con especial atención á mocidade e por levar o nome do Concello de Narón nesta andadura deportiva. Oreona animou á cidadanía de Narón e comarca a presenciar este evento deportivo que de seguro acadará grandes momentos.



Últimas noticias
O CONCELLO ABRIRÁ O LUNS O PRAZO PARA QUE CLUBS E ENTIDADES SOLICITEN O USO DE INSTALACIÓNS DEPORTIVAS MUNICIPAIS
A ALCALDESA E O EDIL DE DEPORTES RECIBIRON NA PRAZA DE GALICIA AOS INTEGRANTES DO CLUB DE REMO NARÓN QUE PARTICIPARÁN NA LIGA GALEGA DE TRAIÑEIRAS
ÚLTIMOS DÍAS DE PRAZO PARA QUE CLUBS E ENTIDADES SOLICITEN O USO DE INSTALACIÓNS DEPORTIVAS MUNICIPAIS
PRESENTADA NO CONCELLO A II BANDEIRA DE TRAIÑEIRAS ´CIDADE DE NARÓN´, EVENTO DEPORTIVO ENMARCADO NA LIGA GALEGA DE TRAIÑEIRAS
PRESENTACIÓN NO CONCELLO DA NOVA DIRECTIVA DO CLUB CIDADE DE NARÓN DE FUTBOL SALA

Destacados

Outras webs municipais

   
 
Concello de Narón - Aviso legal