Novas
 
A PISCINA DA GÁNDARA REABRIRÁ O VINDEIRO MARTES PARA NADO LIBRE CON CITA PREVIA
As usuarias e usuarios das instalacións deben chamar por teléfono para concertar o horario do baño libre entre os luns e sábados
Narón, 5 de xuño de 2020. O Concello reabrirá o vindeiro martes, día 9, a piscina municipal da Gándara para nado libre, á que se poderá acceder con cita previa e atendendo as indicacións sanitarias e de seguridade implantadas con motivo de prevención da Covid-19. As persoas que desexen facer uso das instalacións nos horarios habilitados deberán chamar ao número de teléfono 981 337 700 (extensión 2503) ou 981 111 025 (extensión 7) de luns a venres, entre as 8.30 e as 13.30 para pedir cita.
Os turnos serán de corenta minutos de duración, en lugar dos 45 establecidos antes da crise da Covid-19 e non se poderán utilizar os servizos de duchas dos vestiarios. Co fin de ofrecer o servizo atendendo ás medidas sanitarias, reforzaranse as duchas localizadas na zona da praia da propia piscina. Así mesmo, non se poderán utilizar os enchufes nin secadores.
Os horarios para os que se poderá pedir cita son, de luns a sábado entre as 7.45 e as 8.25; de 9.00 a 9.40; de 1015 a 10.55; de 11.30 a 12.10 e de 12.45 a 13.30 polas mañás e tamén de luns a venres de 16.00 a 16.40 en horario de tarde.
No citado complexo polideportivo da Gándara continuará pechada polo momento a piscina terapéutica.
As instalacións tamén serán utilizadas por entidades deportivas para adestramentos. O resto de instalacións deportivas municipais iranse reabrindo a medida que así o soliciten as entidades que habitualmente as utilizan para os seus adestramentos.



Últimas noticias
A ALCALDESA FELICITOU Á TRIATLETA PAULA HERRERO, DO CLUB NÁUTICO NARÓN, TRAS PROCLAMARSE CAMPIONA DE ESPAÑA DE ÉLITE DE DISTANCIA OLÍMPICA EN BANYOLES
O PADROADO DE DEPORTES RETOMARÁ ESTE XOVES VARIOS CURSOS E ACTIVIDADES DAS ESCOLAS DEPORTIVAS MUNICIPAIS
A PISCINA MUNICIPAL DA GÁNDARA RETOMA OS CURSOS DAS ESCOLAS DEPORTIVAS DE NATACIÓN PARA NENAS E NENOS E OS CURSOS DE INICIACIÓN E PERFECCIONAMENTO PARA PERSOAS ADULTAS
A ALCALDESA ASINOU UN CONVENIO DE COLABORACIÓN CO PRESIDENTE DA AGRUPACIÓN DEPORTIVA NÁUTICO DE NARÓN
A ALCALDESA ASINOU UN CONVENIO DE COLABORACIÓN CO PRESIDENTE DO CLUB DE PIRAGÜISMO NARÓN

Destacados

Outras webs municipais

   
 
Concello de Narón - Aviso legal