Novas
 
O CONCELLO COLABORA NO "I TORNEO DE FÚTBOL SALA FEMININO BASE JOSÉ VEIGA" ORGANIZADO POLO CLUB "A FERVENZA"
O Concelleiro de Deportes, José Oreona, e o presidente do club José Veiga, presentaron hoxe a cita deportiva que terá lugar o vindeiro 4 de xaneiro
Narón, 30 de decembro de 2019. O concelleiro de Deportes, José Oerona, e o presidente do club “A Fervenza” Fútbol Sala Ferrolterra, José Ángel Veiga, presentaron esta mañá a primeira edición do “Torneo de Fútbol Sala Feminino base José Veiga Narón 2020”. A cita será o vindeiro sábado, día 4, no pavillón municipal das Lagoas, a partir das 09.00 horas e durante todo o día, estando prevista a entrega de premios para as 21.30 horas. No torneo disputarán a categoría alevín o equipo anfitrión, A Fervenza F.S.F.; Viaxes Amarelle F.S.F, de Santa Comba, o F.S. Ribeira e Lago Sport, de As Pontes; mentres que na infantil xogarán tamén o anfitrión, “A Fervenza”, o Fútbol Sala Ribeira; a Escola Futsal Morrazo; o Club Deportivo Burela Fútbol Sala, tal e como indicou Oreona.
José Ángel Veiga, “El abuelo”, fundador e actual presidente de “A Fervenza” F.S.F. ten na actualidade 70 anos. Comezou adestrando a un equipo feminino do Parrulo (Ferrol) a un grupo mixto do que formaban parte sete nenas no ano 2006, e no 2007 fundou “A Fervenza” e, tal e como indica, creou o escudo do equipo, actualmente en vigor. “É a miña paixón e tamén a paixón das rapazas e dos seus pais e nais”, asegurou, recordando que “en doce anos levamos a doce rapazas á Selección Española de Fútbol Sala”. O club “A Fervenza” conta actualmente con 87 rapazas, as de menor idade de tres anos.
Veiga destacou a colaboración e implicación do concello naronés co deporte e, en particular, co feminino, destacando o apoio e as facilidades prestadas para celebrar este torneo na cidade.
O concelleiro de Deportes de Narón destacou a traxectoria do club “A Fervenza” e tamén o traballo que durante todos estes anos desenvolveu José Veiga”. “Unha persoa apaixoada do mundo do deporte, que aínda hoxe en día continúa na primeira liña e traballando arreo con este club e co deporte en xeral”, subliñou Oreona. O edil animou á veciñanza a desprazarse o vindeiro sábado ao pavillón municipal das Lagoas para ver este torneo ao que desexou “moitas máis edicións, que de seguro virán”.



Últimas noticias
ABERTO O PRAZO DE PREINSCRICIÓN PARA CONSTITUÍR UN NOVO GRUPO DE IOGA A TRAVÉS DO SERVIZO MUNICIPAL DE DEPORTES
O PAVILLÓN MUNICIPAL CAMPO DA SERRA ACOLLERÁ ESTA FIN DE SEMANA O CAMPIONATO GALEGO DE TENIS DE MESA
ABERTO O PRAZO DE INSCRICIÓN NA CARREIRA E ANDAINA "EN MARCHA POLA IGUALDADE CIDADE DE NARÓN" ORGANIZADA POLO CONCELLO CON MOTIVO DO 8-M
O PAVILLÓN MUNICIPAL CAMPO DA SERRA ACOLLERÁ O "IX TORNEO CIDADE DE NARÓN DE ESGRIMA HISTÓRICA"
O CONCELLO DESTINA UNS 80.000 EUROS A ACTUACIÓNS DE MELLORA DE INSTALACIÓNS DEPORTIVAS E Á CONSTRUCIÓN DUNHA PISTA DE TIRO CON ARCO NO POLÍGONO DE RÍO DO POZO

Destacados

Outras webs municipais

   
 
Concello de Narón - Aviso legal