Novas
 
O CONCELLO COLABORA NO "I TORNEO SOLIDARIO DE FÚTBOL SALA CIDADE DE NARÓN"
A cita, presentada hoxe, terá lugar os días 21 e 22 de decembro nas instalacións do pavillón polideportivo da Gándara
Narón, 10 de decembro de 2019. O pavillón polideportivo da Gándara acollerá os días 21 e 22 deste mes o “I Torneo Solidario de fútbol sala Cidade de Narón”. O concelleiro de Deportes, José Oreona, presentou esta mañá o evento, acompañado por Manuel Mesa, delegado en Ferrolterra da Real Federación Galega de Fútbol, José Manuel González e Alberto Pereiro, presidente e secretario, respectivamente, da asociación Centro de Recursos Solidarios de Narón, organizadora do evento. O edil naronés agradeceu o traballo que a entidade ao longo do ano e animou á veciñanza a acudir ao partido e colaborar neste evento solidario doando no momento da entrada un mínimo dun quilo de alimentos non perecedoiros. Oreona destacou ademáis a colaboración prestada dende a Federación Galega de Fútbol neste evento.
Persoal da Área sanitaria de Ferrol, do SPEIS de Narón, da Policía Local de Narón e edís e funcionariado do Concello naronés xogarán os diferentes partidos. O sábado día 21 a primeira cita será ás 10.30 horas, entre os equipos da Área sanitaria de Ferrol e concelleiros/as e funcionarios/as e a segunda a partir das 11.45 entre os do SPEIS e a Policía Local. Na xornada do domingo 22 ás mesmas horas darán comezo, respectivamente, os partidos de semifinais e a final.
O presidente do Centro de Recursos Solidarios de Narón tamén valorou a colaboración prestada polo Concello e a RFGF e todas as persoas que se involucraron nesta proposta. González animou tamén á asistencia “para dar visibilidade ao traballo que se realiza no centro durante todo o ano e recadar algo de alimentos para estas datas, que sempre son precisos, e para o resto do ano”. Ao respecto Oreona explicou que no pavillón polideportivo da Gándara permanece instalado dende hoxe unha cesta de grandes dimensións para que as persoas que poidan colaboren doando alimentos non perecedoiros.
Manuel Mesa agradeceu a oportunidade de colaborar neste evento a través da RFGF e destacou o labor do colectivo arbitral da delegación de Ferrol e do seu delegado, Ignacio Martínez, “pola súa total colaboración dende o momento que se plantexou que realizasen a arbitraxe”.



Últimas noticias
ABERTO O PRAZO DE PREINSCRICIÓN PARA CONSTITUÍR UN NOVO GRUPO DE IOGA A TRAVÉS DO SERVIZO MUNICIPAL DE DEPORTES
O PAVILLÓN MUNICIPAL CAMPO DA SERRA ACOLLERÁ ESTA FIN DE SEMANA O CAMPIONATO GALEGO DE TENIS DE MESA
ABERTO O PRAZO DE INSCRICIÓN NA CARREIRA E ANDAINA "EN MARCHA POLA IGUALDADE CIDADE DE NARÓN" ORGANIZADA POLO CONCELLO CON MOTIVO DO 8-M
O PAVILLÓN MUNICIPAL CAMPO DA SERRA ACOLLERÁ O "IX TORNEO CIDADE DE NARÓN DE ESGRIMA HISTÓRICA"
O CONCELLO DESTINA UNS 80.000 EUROS A ACTUACIÓNS DE MELLORA DE INSTALACIÓNS DEPORTIVAS E Á CONSTRUCIÓN DUNHA PISTA DE TIRO CON ARCO NO POLÍGONO DE RÍO DO POZO

Destacados

Outras webs municipais

   
 
Concello de Narón - Aviso legal