Novas
 
O CLUB DE GOLF CAMPOMAR ACOLLERÁ ESTA FIN DE SEMANA O "XIV TORNEO DE GOLF CIDADE DE NARÓN"
O edil de Deportes, José Oreona, e o secretario do club, Francisco Alarcón, presentaron hoxe o evento, coincidindo coa apertura do prazo de inscrición
Narón, 28 de outubro de 2019. A décimo cuarta edición do “Torneo de golf Cidade de Narón” celebrarase esta fin de semana, os días 1 e 2 de novembro, nas instalacións do Club de golf Campomar, na parroquia do Val. O concelleiro de Deportes, José Oreona, e o secretario da citada entidade deportiva, Francisco Alarcón, presentaron a convocatoria, para a que abre hoxe o prazo de inscrición. Alarcón explicou que esta cita deportiva está aberta a xogadores federados de diferentes idades, que se poderán inscribir ata o vindeiro xoves, día 31, a través do teléfono 663 123 398; do correo electrónico: gerenciacampomar@gmail.com ou nas propias instalacións do club de golf, no Val.
Durante os dous días as probas disputaranse a partir das 9.00 horas, para retomalas pola tarde, dende as 14.00 horas e trátase dunha categoría única na que se repartirán un total de once premios. Os trofeos serán para o mellor Scratch; do primeiro ao quinto mellor Handicap; o Mellor Aproach buratos 1 e 10 e os mellores xogadores Dama, Senior e Infantil, tal e como indicou Alarcón. O secretario do Club de golf Campomar estima que a participación, ao tratarse dun torneo a nivel autonómico, pode rondar o centenar de persoas.
O secretario do club naronés destacou a colaboración do Concello neste torneo, así como noutras actividades deportivas que se programan ao longo do ano na cidade. Pola súa banda, o edil de Deportes, José Oreona, animou ás persoas que xogan ao golf, e neste caso están federadas, a inscribirse neste evento deportivo, “para poder gozar destes dous días do torneo e optar a algún dos premios que se entregarán aos mellor clasificados”.



Últimas noticias
PRESENTADA ESTA MAÑÁ NO CONCELLO A ´XXVII EDICIÓN DO TROFEO DE NATACIÓN CIDADE DE NARÓN´
ABERTO O PRAZO DE INSCRICIÓN NA "CAMPAÑA DE INVERNO 2020" DA DEPUTACIÓN DA CORUÑA
O CONCELLO ACOLLEU ESTA MAÑÁ A PRESENTACIÓN DO "XXXIV MEMORIAL ADOLFO ROS-VOLTA Á RÍA"
MARIÁN FERREIRO ENTREGOU Á TRIATLETA SARA GUERRERO MANSO O PREMIO Á "MELLOR DEPORTISTA DE NARÓN 2019" NA "XXXI GALA DO DEPORTE"
MÁIS DE 250 PERSOAS PARTICIPARON HOXE NUNHA NOVA ANDAINA DO PROGRAMA MUNICIPAL "PONTE EN RUTA CON NÓS"

Destacados

Outras webs municipais

   
 
Concello de Narón - Aviso legal