Novas
 
AS INSTALACIÓNS DA PISCINA MUNICIPAL DA GÁNDARA REABREN PARA O BAÑO LIBRE
O concelleiro de Deportes, José Oreona, anunciou a reapertura da piscina para baño libre trala execución dunhas obras en agosto e avanzou que o vaso terapéutico reabrirase en outubro
Narón, 20 de setembro de 2019. O concelleiro de Deportes de Narón, José Oreona, anunciou a reapertura das instalacións da piscina municipal da Gándara, que xa está novamente operativa tralo parón do mes de agosto debido á execución duns traballos de mellora das paredes da piscina. O vaso terapéutico, apuntou, permanecerá pechado ata o 1 de outubro.
As persoas interesadas en acudir á piscina municipal para baño libre poden facelo pola mañá, entre as 8.00 e as 13.15 horas, en sesións dun máximo de 45 minutos. Polas tardes o horario é durante este mes a partir das 15.15 horas ata as 16.45 e de 17.00 ata as 23.00, tamén en tandas de 45 minutos, tal e como indicou o edil naronés. A partir de outubro manteranse o mesmo horario que en setembro polas mañás e polas, tardes, coincidindo co inicio dos cursos de natación modificarase, podendo dispoñer da piscina para baño libre dende as 15.15 ata as 16.45 e tamén de 20.45 a 23.00 horas, interrumpíndose de 16.45 a 20.45 polos citados cursos.
As fins de semana durante este mes as instalacións abren de 8.30 a 20.30, con sesións de 45 minutos.



Últimas noticias
PRESENTADA ESTA MAÑÁ NO CONCELLO A ´XXVII EDICIÓN DO TROFEO DE NATACIÓN CIDADE DE NARÓN´
ABERTO O PRAZO DE INSCRICIÓN NA "CAMPAÑA DE INVERNO 2020" DA DEPUTACIÓN DA CORUÑA
O CONCELLO ACOLLEU ESTA MAÑÁ A PRESENTACIÓN DO "XXXIV MEMORIAL ADOLFO ROS-VOLTA Á RÍA"
MARIÁN FERREIRO ENTREGOU Á TRIATLETA SARA GUERRERO MANSO O PREMIO Á "MELLOR DEPORTISTA DE NARÓN 2019" NA "XXXI GALA DO DEPORTE"
MÁIS DE 250 PERSOAS PARTICIPARON HOXE NUNHA NOVA ANDAINA DO PROGRAMA MUNICIPAL "PONTE EN RUTA CON NÓS"

Destacados

Outras webs municipais

   
 
Concello de Narón - Aviso legal