Novas
 
O CONCELLEIRO DE DEPORTES DESPRAZOUSE AO ESTADIO MUNICIPAL DE RÍO SECO CON MOTIVO DAS OLIMPÍADAS CONFURCO 2019
O Concello e o Club de Atletismo Narón colaboran nesta iniciativa impulsada a través da Asociación Ferrolterra de Drogodependencia (Asfedro)
Narón, 29 de agosto de 2019. O concelleiro de Deportes de Narón, José Oreona, desprazouse esta mañá ao Estadio Municipal de Río Seco con motivo do inicio das Olimpíadas Confurco 2019 organizadas pola Asociación Ferrolterra de Drogodependencia (Asfedro) e nas que colabora o Concello naronés. O edil estivo coa presidenta de Asfedro, Sari Alabau, coa Educadora social da entidade, Rebeca Graña, e con Miguel Soto, presidente do Club Atletismo Narón, que colabora tamén nesta iniciativa encamiñada a promocionar o deporte como recurso para recuperar hábitos de vida saudables.
Na xornada de hoxe, a partir das 10.00 horas, catorce persoas da comunidade de Asfedro realizaron adestramentos de atletismo no Estadio municipal de Río Seco. Tras uns exercicios iniciais os rapaces e rapazas iniciaron as competicións, implicándose nesta actividade deportiva que continuará nos vindeiros días con outras propostas –voleibol, fútbol sala e baloncesto- dirixidas ao colectivo e que se levarán a cabo nas instalacións da citada entidade. A maiores de atletismo, os rapaces e rapazas practicaron tamén en Río Seco as modalidades de salto de lonxitude e lanzamento de peso. A última hora da mañá Oreona entregou medallas a tódolos participantes na actividade de hoxe.
Na xornada de mañá terá lugar unha competición de fútbol sala, o día 3 de setembro outra de baloncesto –ambas a partir das 10.00 horas en Asfedro- e o mércores da vindeira semana, día 4, serán as Olimpíadas culturais, coa entrega de medallas e diplomas aos participantes.
Oreona destacou “a importante labor que dende Asfedro se está levando a cabo entre a comunidade” e incidiu en que “dende o goberno local continuaremos apoiando iniciativas encamiñadas a respaldar a este colectivo e a fomentar a práctica deportiva” e puxo a disposición do colectivo as instalacións municipais para continuar realizando actividades como as Olimpíadas Confurco 2019.



Últimas noticias
O CONCELLO ABRIRÁ O LUNS O PRAZO PARA QUE CLUBS E ENTIDADES SOLICITEN O USO DE INSTALACIÓNS DEPORTIVAS MUNICIPAIS
A ALCALDESA E O EDIL DE DEPORTES RECIBIRON NA PRAZA DE GALICIA AOS INTEGRANTES DO CLUB DE REMO NARÓN QUE PARTICIPARÁN NA LIGA GALEGA DE TRAIÑEIRAS
ÚLTIMOS DÍAS DE PRAZO PARA QUE CLUBS E ENTIDADES SOLICITEN O USO DE INSTALACIÓNS DEPORTIVAS MUNICIPAIS
PRESENTADA NO CONCELLO A II BANDEIRA DE TRAIÑEIRAS ´CIDADE DE NARÓN´, EVENTO DEPORTIVO ENMARCADO NA LIGA GALEGA DE TRAIÑEIRAS
PRESENTACIÓN NO CONCELLO DA NOVA DIRECTIVA DO CLUB CIDADE DE NARÓN DE FUTBOL SALA

Destacados

Outras webs municipais

   
 
Concello de Narón - Aviso legal