Novas
 
O CAMPO DE FÚTBOL MUNICIPAL DE SINDE ACOLLE O CAMPIONATO GALEGO DE SELECCIÓNS COMARCAIS
A cita será o 17 de maio, con entrada de balde, e participarán oito seleccións: catro masculinas e outras tantas femininas
Narón, 14 de maio de 2019. O concelleiro de Deportes, Román Romero, o vicepresidente da Real Federación Galega de Fútbol e o seu delegado en Ferrolterra, Juan Luis Villamisar e Manuel Mesa, respectivamente, e o presidente da Sociedade Deportiva O Val, Antonio López, presentaron esta mañá no Concello a fase final do Campionato Galego de seleccións comarcais sub 15 masculinas e sub 14 femininas que se desenvolverá este venres no campo de fútbol municipal de Sinde, no Val. A Real Federación Galega de Fútbol organiza este evento deportivo, no que colaboran o Concello e a Sociedade Deportiva O Val, e no que participarán oito seleccións: catro masculinas e outras tantas femininas, de Vigo, A Coruña, Ferrol e Pontevedra.
O primeiro partido, de semifinais da categoría feminina sub 14, será o venres a partir das 11.00 horas no campo de herba artificial, entre as seleccións da Coruña e Vigo para, a continuación, ás 12.15 horas, iniciarse o das de Ferrol e Pontevedra. Pola tarde disputaranse o terceiro e cuarto posto –entre os perdedores das semifinais- a partir das 16.30 horas e a final xogarase –os gañadores das semifinais- ás 17.45 horas.
No que respecta á categoría masculina sub 15 os partidos disputaranse no campo de herba natural. Nas semifinais xogarán a partir das 11.00 horas as seleccións de Vigo e Ferrol e ás 12.15 as de Pontevedra e A Coruña. O terceiro e cuarto posto disputaranse pola tarde, a partir das 16.30 horas e a final comezará a xogarse ás 17.45 horas.
Mesa agradeceu a colaboración do Concello de Narón e da Real Federación Galega de Fútbol, por ofrecer a oportunidade de organizar este evento na cidade, e tamén o respaldo dos clubs, sen o que “sería inviable”. Na mesma liña se pronunciaron Villamisar e Antonio López. Pola súa parte, o concelleiro de Deportes, Román Romero, asegurou que “é un orgullo para o Concello de Narón poder celebrar aquí este Campionato galego de seleccións comarcais”, ao que convidou a asistir á veciñanza, con entrada de balde, tal e como recordou.



Últimas noticias
ABERTO O PRAZO DE INSCRICIÓN NA ÚLTIMA ANDAINA DO PROGRAMA MUNICIPAL "PONTE EN RUTA CON NÓS"
RECEPCIÓN OFICIAL Á NARONESA FANY CABARCOS BECEIRO TRAS PROCLAMARSE CAMPIONA DE EUROPA DE MTB DE DESCENSO NA CATEGORÍA MASTER 35 EN PORTUGAL
O PAVILLÓN MUNICIPAL DA GÁNDARA ACOLLERÁ O "XXVI TORNEO DE BALONMÁN CIDADE DE NARÓN"
A TRIXÉSIMO SEGUNDA EDICIÓN DO RALLYE CIDADE DE NARÓN REUNIRÁ ESTA FIN DE SEMANA NA CIDADE A 130 PILOTOS
O CONCELLO MANTÉN ABERTO ATA O 5 DE XULLO O PRAZO PARA SOLICITAR O ALUGUEIRO PARA USO DAS INSTALACIÓNS DEPORTIVAS MUNICIPAIS

Destacados

Outras webs municipais

   
 
Concello de Narón - Aviso legal