Novas
 
MÁIS DE 250 PERSOAS PARTICIPARON NUNHA NOVA ANDAINA DO PROGRAMA MUNICIPAL PONTE EN RUTA CON NÓS
A vindeira camiñata deste programa municipal terá lugar o vindeiro mes de xaneiro
Narón, 25 de novembro de 2018. Un total de 269 persoas asistiron esta mañá a unha nova andaina –a segunda- da cuarta edición do programa municipal “Ponte en ruta con nós”. Os camiñantes saíron ás 9.30 horas do Pavillón polideportivo da Gándara cara á zona do Río Castro, desde donde se desprazaron a pé ata o Castelo de Narahío (no concello de San Sadurniño). A ruta, duns once quilómetros, realizárona nunhas dúas horas e media, desfrutando da paisaxe e realizando exercicio físico, dous dos obxectivos desta iniciativa do Concello.
A vindeira camiñata terá lugar no mes de xaneiro, o día 27, e discurrirá polos termos municipais de Mugardos e Ares, concretamente entre o Castelo da Palma e o Mosteiro de Santa Catalina. Os participantes sairán en autobús ás 9.00 horas do Polideportivo da Gándara e realizarán, nun tempo estimado dunhas tres horas, unha ruta duns catorce quilómetros e cunha dificultade calificada como media/alta.
As persoas interesadas en asistir á vindeira andaina poderán anotarse a partir do día 2 de xaneiro no Complexo Polideportivo da Gándara, de luns a xoves en horario de 9.30 a 13.00 e de 16.30 a 18.30 e os venres 9.00 a 13.00. O prezo da inscrición é de tres euros, unha cantidade coa que se sufragan os gastos de desprazamento en autobús desde o polideportivo da Gándara ata o punto de inicio de cada camiñata.
O programa municipal “Ponte en ruta con nós” iniciouse nesta cuarta edición o pasado 28 de outubro, e rematará o día 30 de xuño. Cada mes, excepto en decembro, programouse unha ruta pola comarca que permitirá, de aquí ao final do calendario de saídas deseñado, participar en andainas como a Ruta dos muíños, en Esmelle (Ferrol); a do Belelle (A Capela); a das Praias de Covas a Pioriño (Ferrol); a das Fragas da Ribeira (As Pontes) e, finalmente, a do río Xuvia ata o muíño de Pedroso.



Últimas noticias
ABERTO O PRAZO DE INSCRICIÓN NA ÚLTIMA ANDAINA DO PROGRAMA MUNICIPAL "PONTE EN RUTA CON NÓS"
RECEPCIÓN OFICIAL Á NARONESA FANY CABARCOS BECEIRO TRAS PROCLAMARSE CAMPIONA DE EUROPA DE MTB DE DESCENSO NA CATEGORÍA MASTER 35 EN PORTUGAL
O PAVILLÓN MUNICIPAL DA GÁNDARA ACOLLERÁ O "XXVI TORNEO DE BALONMÁN CIDADE DE NARÓN"
A TRIXÉSIMO SEGUNDA EDICIÓN DO RALLYE CIDADE DE NARÓN REUNIRÁ ESTA FIN DE SEMANA NA CIDADE A 130 PILOTOS
O CONCELLO MANTÉN ABERTO ATA O 5 DE XULLO O PRAZO PARA SOLICITAR O ALUGUEIRO PARA USO DAS INSTALACIÓNS DEPORTIVAS MUNICIPAIS

Destacados

Outras webs municipais

   
 
Concello de Narón - Aviso legal