Novas
 
A ALCALDESA ASINA CONVENIOS DE COLABORACIÓN COA ESCOLA SUPERIOR DE KÁRATE DE NARÓN, A ASOCIACIÓN LEDICIA CATIVA E O CENTRO DE RECURSOS SOLIDARIOS
O goberno que preside Marián Ferreiro destina unha partida global de 25.000 euros á rúbrica destes acordos
Narón, 29 de outubro de 2018. A alcaldesa de Narón, Marián Ferreiro, asinou esta mañá os convenios do Concello co presidente da Escola Superior de Kátate de Narón, Gustavo Vázquez, e co vivepresidente da asociación Ledicia Cativa, José Manuel Borrajo. Ao primero dos actos asistiu tamén o concelleiro de Deportes, Román Romero, se ben no segundo a rexedora local estivo acompañada pola concelleira de Acción Social, Catalina García.
A Escola Superior de Kárate promociona e fomenta este deporte na cidade e organiza campionatos e outros eventos en virtude a este convenio. Entre os máis inmediatos están dous Talleres de Autodefensa para mulleres, que se celebrarán o vindeiro mes de novembro e para o que xa están esgotadas todas as prazas. Corenta alumnas recibirán da man de profesores da Escola Superior de Kárate de Narón unha formación básica –nas instalacións do colexio Santiago Apóstol- que lles permitirá defenderse no caso de ser preciso.
O segundo dos convenios asinados esta mañá, coa ONG Ledicia Cativa, permite traer á cidade cada ano a un grupo de menores procedentes de Chernóbil para pasar parte do verán con familias de acollida.
Así mesmo, a finais da pasada semana a alcaldesa rubricaba tamén un convenio co presidente do Centro de Recursos Solidarios de Narón, para contribuír á prestación do servizo destas instalacións, desde as que se axuda ás familias con escasos recursos. En virtude ao mesmo tamén se organizan diversos eventos ao longo do ano encamiñados a recadar alimentos non perecedoiros, roupa e xoguetes –estes últimos para a campaña Operación Xoguetes, no Nadal- para as persoas que acoden ao Centro de Recursos Solidarios de Narón. Este acordo asinouno a alcaldesa, Marián Ferreiro, co presidente da asociación, José Manuel González, nun acto ao que tamén asistiu a concelleira de Acción Social, Catalina García.
Os representantes das tres entidades coas que se asinaron os convenios a finais da semana pasada e esta mesma mañá agradeceron a colaboración prestada desde o Concello de Narón, que economicamente supón ás arcas locais un desembolso conxunto de 25.000 euros. Pola súa banda, a alcaldesa e os edís de Deportes e Acción Social destacaron o traballo que realizan e animáronas a continuar desenvolvendo o seu labor tal e como viñeron facendo ata o de agora, comprometendo a colaboración do Concello.



Últimas noticias
ABERTO O PRAZO DE INSCRICIÓN NA ÚLTIMA ANDAINA DO PROGRAMA MUNICIPAL "PONTE EN RUTA CON NÓS"
RECEPCIÓN OFICIAL Á NARONESA FANY CABARCOS BECEIRO TRAS PROCLAMARSE CAMPIONA DE EUROPA DE MTB DE DESCENSO NA CATEGORÍA MASTER 35 EN PORTUGAL
O PAVILLÓN MUNICIPAL DA GÁNDARA ACOLLERÁ O "XXVI TORNEO DE BALONMÁN CIDADE DE NARÓN"
A TRIXÉSIMO SEGUNDA EDICIÓN DO RALLYE CIDADE DE NARÓN REUNIRÁ ESTA FIN DE SEMANA NA CIDADE A 130 PILOTOS
O CONCELLO MANTÉN ABERTO ATA O 5 DE XULLO O PRAZO PARA SOLICITAR O ALUGUEIRO PARA USO DAS INSTALACIÓNS DEPORTIVAS MUNICIPAIS

Destacados

Outras webs municipais

   
 
Concello de Narón - Aviso legal