Novas
 
MÁIS DE 230 CICLISTAS PARTICIPARÁN ESTE DOMINGO NA IV BTT CIDADE DE NARÓN ORGANIZADA POLO CLUBE MTB ESKORNABOIS E O CONCELLO
Os participantes sairán ás 9.30 horas das inmediacións do Centro Comercial Odeón para realizar un percorrido de 42 ou 32 quilómetros, en función da ruta elixida
Narón, 6 de setembro de 2018. Un total de 238 personas inscribíronse na ruta cicloturista que terá lugar este domingo na cidade. A cuarta edición da BTT Cidade de Narón organizada polo clube MTB EskornaBois e o Concello comezará ás 9.30 horas, con saída das inmediacións do Centro Comercial Odeón e rematará no pavillón polideportivo da Gándara, donde está previsto que cheguen os primeiros participantes sobre as 11.30. O concelleiro de Deportes, Román Romero, presentou a convocatoria acompañado por Daniel Martínez, presidente do clube, José Luis Fernández, secretario, e Begoña Espina e Luis Rodríguez, socios da citada entidade deportiva.
Os representantes do MTB Eskornabois destacaron a participación nesta proba dun total de doce mulleres, calificando a cifra como “alentadora con respecto a outros anos e difícil de acadar neste tipo de eventos deportivos”. Os ciclistas realizarán unha das dúas rutas deseñadas para a ocasión, unha longa, de 42 quilómetros, e outra máis curta, de 32. O trazado discorrerá polas inmediacións do mosteiro do Couto, por tramos do camiño de Santiago e San Andrés, e do muíño das Aceñas, entre outros puntos da cidade.
O presidente do clube agradeceu o traballo realizado pola organización para poder convocar un ano máis esta ruta cicloturista e o respaldo do Concello, “sen o que sería imposible realizar este evento”, asegurou, así como o de patrocinadores e colaboradores.
O concelleiro de Deportes, Román Romero, destacou o éxito desta convocatoria, que alcanza este ano a súa cuarta edición cunha importante cifra de participación e felicitou ao Club MTB Eskornabois polo traballo realizado en canto á organización do mesmo. Romero animou tamén aos participantes e ao público a desfrutar deste evento deportivo.



Últimas noticias
ABERTO O PRAZO DE INSCRICIÓN NA ÚLTIMA ANDAINA DO PROGRAMA MUNICIPAL "PONTE EN RUTA CON NÓS"
RECEPCIÓN OFICIAL Á NARONESA FANY CABARCOS BECEIRO TRAS PROCLAMARSE CAMPIONA DE EUROPA DE MTB DE DESCENSO NA CATEGORÍA MASTER 35 EN PORTUGAL
O PAVILLÓN MUNICIPAL DA GÁNDARA ACOLLERÁ O "XXVI TORNEO DE BALONMÁN CIDADE DE NARÓN"
A TRIXÉSIMO SEGUNDA EDICIÓN DO RALLYE CIDADE DE NARÓN REUNIRÁ ESTA FIN DE SEMANA NA CIDADE A 130 PILOTOS
O CONCELLO MANTÉN ABERTO ATA O 5 DE XULLO O PRAZO PARA SOLICITAR O ALUGUEIRO PARA USO DAS INSTALACIÓNS DEPORTIVAS MUNICIPAIS

Destacados

Outras webs municipais

   
 
Concello de Narón - Aviso legal