Novas
 
O "XXV TORNEO DE BALONMÁN CIDADE DE NARÓN" DISPUTARASE O 2 DE XUÑO NO PAVILLÓN POLIDEPORTIVO DA GÁNDARA
O concelleiro de Deportes, Román Romero, e o presidente do Club Balonmán Narón, José Oreona, presentaron o evento, no que participarán un total de catro equipos
Narón, 30 de maio de 2018. O pavillón polideportivo da Gándara acollerá o vindeiro sábado, 2 de xuño, a vixésimo quinta edición do Torneo de Balonmán Cidade de Narón. O edil de Deportes, Román Romero, o presidente do Club Balonmán Narón, José Oreona, Rubén Fernández, en representación tamén do citado clube e Beatriz Lourido, xerente da empresa Casa y Baño Star presentarono evento, que conta coa colaboración do Concello, entre outras administracións.
Neste torneo participarán os clubes de balonmán Atlántico (A Coruña), Ferrolterra, Pontedeume e, o anfitrión e organizador, o C.BM. Narón. Os partidos das categorías alevín mixto e cadete masculino disputaranse en horario de mañá, entre as 11.00 e as 14.00, se ben pola tarde, de 16.00 a 21.00 horas, xogaranse as de xuvenil e sénior masculino. Este último consistirá nun triangular que disputarán os clubes de Narón, Pontedeume e os veteráns do Narón, tal e como indicou Oreona.
O presidente do Club de Balonmán Narón destacou a colaboración do Concello e da empresa patrocinadora e animou á veciñanza a asistir a este torneo, destacando o feito de que se trata dun dos máis consolidados dentro do deporte na cidade.
O concelleiro de Deportes, Román Romero, felicitou ao clube local, que celebra este ano as vodas de prata deste evento deportivo. “Desde o Concello queremos agradecer o traballo e o esforzo que fai cada ano o Club Balonmán Narón, do que nos sentimos moi orgullosos”, asegurou. O edil naronés animou á entidade a “continuar traballando como o viñestes facendo ata o de agora” e brindoulles o apoio do goberno local “ao igual que en todos estes anos”.



Últimas noticias
A ALCALDESA ASINOU UN CONVENIO CO CLUBE NHD ADVENTURE PARA A PROTECCIÓN MEDIOAMBIENTAL DA CIDADE
UNS DOUSCENTOS DEPORTISTAS PARTICIPARÁN O VINDEIRO DOMINGO NO DUATLÓN CIDADE DE NARÓN
O CONCELLO COLABORA COA REAL FEDERACIÓN GALEGA DE FÚTBOL E A SDCR NARÓN-O FREIXO NA ORGANIZACIÓN DUN CURSO DE MONITOR DE FÚTBOL SALA
O CAMPIONATO GALEGO DE TENIS DE MESA CELEBRARASE ESTA FIN DE SEMANA NO PAVILLÓN CAMPO DA SERRA
DEPORTISTAS DE QUINCE EQUIPOS GALEGOS PARTICIPÁRÁN NO XXII TROFEO DE BATEIS CIDADE DE NARÓN

Destacados

Outras webs municipais

   
 
Concello de Narón - Aviso legal