Novas
 
A ALCALDESA REICIBIU NO SEU DESPACHO A SOFÍA COUCE E ANA OTERO, XOGADORAS DO CLUB TENIS DE MESA NARÓN
Marián Ferreiro felicitou ás dúas rapazas polos seus éxitos deportivos e pola súa recente viaxe ao Centro de Tecnificación de Luxemburgo para asistir ao Hopes Selection Camp
Narón, 17 de abril de 2018. A alcaldesa de Narón, Marián Ferreiro, recibiu no seu despacho a dúas xogadoras do Club Tenis de Mesa Narón: Sofía Couce e Ana Otero, ambas multimedallistas nacionais e galegas. O concelleiro de Deportes da cidade, Román Romero, o presidente do citado clube local, Fernando Montero, e os pais das menores –de 10 e 11 anos- acudiron tamén á convocatoria, que tivo lugar ás 12.00 horas.
Sofía e Ana desprazáronse a principios deste mes a Luxemburgo, concretamente ao Centro de Tecnificación, donde tuvo lugar o Hopes Selection Camp, un programa no que se seleccionan talentos organizado pola Unión Europea de Tenis de Mesa (ETTU). Ambas quedaron en moi boa posición nesta convocatoria –Sofía de décima e Ana de décimo terceira- e tiveron a oportunidade de mellorar a súa técnica de xogo e, ao tempo, gozar dunha nova experiencia deportiva no tenis de mesa. Neste evento convocado en Luxemburgo resultaron selecionadas tres persoas de diferentes países europeos que participarán no mes de xullo na Ittf Hopes –da Federación Internacional de Tenis de Mesa- que se celebrará en Alacante.
As dúas rapazas entregáronlle á alcaldesa dous agasallos, unha camiseta do clube Narón Tenis de Mesa e unha raqueta de tenis de mesa persoalizada, realizada por elas. Pola súa banda, Marián Ferreiro fíxolles entrega dunha chaqueta do Servizo Municipal de Deportes de Narón, un pen drive e outros agasallos institucionais que as menores agradeceron.
“Quero felicitarvos polos logros deportivos que xa alcanzastes e animarvos a que continuedes adestrando como o viñestes facendo ata o de agora porque sodes un exemplo e un orgullo para todas e todos os naroneses”, asegurou a alcaldesa. Ferreiro deu a noraboa a Sofía e Ana pola súa traxectoria deportiva e conversou animadamente con elas durante a súa estancia no Concello.



Últimas noticias
AS INMEDIACIÓNS DO PASEO MARÍTIMO DE XUVIA ACOLLERÁN ESTA FIN DE SEMANA O TRISHARK 2018
O CONCELLO ABRIRÁ EN SETEMBRO O PRAZO DE INSCRICIÓN NAS ESCOLAS CULTURAIS E DEPORTIVAS MUNICIPAIS
MÁIS DE 230 CICLISTAS PARTICIPARÁN ESTE DOMINGO NA IV BTT CIDADE DE NARÓN ORGANIZADA POLO CLUBE MTB ESKORNABOIS E O CONCELLO
UN TOTAL DE TRINTA E SEIS EQUIPOS PARTICIPARÁN NO V TORNEO INTERNACIONAL DE FÚTBOL 8 NARÓN O FREIXO
O CONCELLO E ASOTRAME CONVOCAN A "IV CARREIRA SOLIDARIA" QUE SE CELEBRARÁ ESTE DOMINGO NA CIDADE

Destacados

Outras webs municipais

   
 
Concello de Narón - Aviso legal